Quba, Qusar və Xaçmazda Azərbaycan Respublikasının Qida Təhlükəsizliyi Agentliyi (AQTA) tərəfindən monitorinqlər aparılıb. Bu barədə ShimalNews 18 noyabr tarixində quruma istinadən məlumat verir.
Agentlik əməkdaşları tərəfindən respublika ərazisində qida sahəsində fəaliyyət göstərən 98 sahibkarlıq subyektində həyata keçirilən planlı və plandankənar yoxlamalar keçirilib. Adıçəkilən rayonlarda yerləşən 4 müəssisədə bir sıra nöqsanlar müəyyən olunub.
Yoxlama nəticəsində qanun pozuntusu aşkar edilmiş qida obyektləri:
| № | Sahibkarlıq subyekti | Ünvan | Fəaliyyət sahəsi | Aşkar olunan nöqsanlar | Görülən tədbir |
İlkin istehsal obyektləri | |||||
1 | Məhərrəmova İradə Əmir qızı | Qusar rayonu, Xurəl kəndi | Meyvə bağı | Sanitar norma və qaydaların pozulması | İnzibati protokol tərtib olunub |
| 2 | "GF Company" MMC | Qusar rayonu, Kuzunqışlaq kəndi | Tumlu və çəyirdəkli meyvələrin becərdilməsi | Sanitar norma və qaydaların pozulması | İnzibati protokol tərtib olunub və məhdudlaşdırıcı qərar verilib |
İctimai iaşə müəssisələri | |||||
| 3 | İbrahimov Elşad Tofiq oğlu | Quba rayonu, Quba şəhəri, M.Qorki küç., ev 42 | Çayxana | Sanitar norma və qaydaların pozulması, mal qonşuluğuna və temperatur rejiminə əməl edilməməsi | İnzibati protokol tərtib olunub |
Ticarət obyektləri | |||||
| 4 | Əhmədov Ramil Alim oğlu | Xaçmaz rayonu, bazar ərazisi | Pestisid və aqrokimyəvi maddələrin satışı mağazası | Saxlanma müddəti bitmiş məhsulların satışı | İnzibati protokol tərtib olunub |
