Xaçmaz rayonunda Sumqayıt Apellyasiya Məhkəməsinin sədri tərəfindən vətəndaşların qəbulu keçirilib. Bu barədə ShimalNews 30 sentyabr tarixində adıçəkilən quruma istinadən məlumat verir.
Sədr Tofiq Paşayev Xaçmaz, Siyəzən və Şabran rayonlarından olan vətəndaşlarla görüşüb. Onların məhkəmələrin fəaliyyəti ilə bağlı müraciətlərini dinləyərək, qaldırılan məsələlərlə bağlı müvafiq hüquqi izahlar verib. Məsələlərin bir qismi yerində öz həllini tapıb.
Eləcə də səfər çərçivəsində sədr Xaçmaz Rayon Məhkəməsinin hakimlərinin iştirakı ilə müşavirə keçirib. Burada rayon məhkəməsinin qərarlarından verilmiş şikayətlərə apellyasiya qaydasında baxılarkən ortaya çıxan məsələlər ətrafında hakimlərlə fikir mübadiləsi aparılıb.
