Qızıl və gümüş medallarla (nişanla) təltif edilən məzunların sayı açıqlanıb. Bu haqda ShimalNews 27 iyul tarixində məlumat verir.
Bununla bağlı Elm və təhsil naziri Emin Əmrullayev əmr imzalayıb. İsmayıllı rayonundan 5, Qubadan 3, Xaçmazdan 1 məzuna qızıl nişan verilib. Qusardan isə qızıl və ya gümüş nişan alan olmayıb.
Təhsil aldığı müddətdə təhsildə xüsusi nəticələri ilə bərabər, nümunəvi davranışı ilə fərqlənən tam orta təhsil səviyyəsinin məzunlarının namizədliyi medalla təltif olunmaq üçün təqdim edilir. Respublika üzrə 183 məzun qızıl, 39 məzun isə gümüş nişana layiq görülüb.
