Xəbər verdiyimiz kimi, Qax rayonunun mərkəzi stadionunu ot basıb, qaçış zolağı yararsız vəziyyətə düşüb, asfalt örtüyü dağılıb, oturacaqlar sındırılmışdı.
Əvvəllər ölkə əhəmiyyətli futbol oyunlarının və mədəni tədbirlərin keçirildiyi stadion hazırda yararsız vəziyyətə qalmışdı.
Məsələ Shimal.News tərəfindən ictimailəşdirildikdən sonra əraziyə aidiyyəti qurum tərəfindən xeyli sayda işçi cəlb olunub. Belə ki, stadionda uzun müddətdən sonra təmizlik işləri aparılır.
Hazırda stadion ərazisində zibil tullantılarının toplanmasına və otun biçilməsinə başlanılıb.
