Azərbaycanın əsas suvarma mənbələrindən biri olan Samur-Abşeron kanalında bir neçə gün əvvəl suyun tamamilə quruması ilə bağlı məlumatlar yayılıb.
Bizim.Media-nın məlumatına görə, kanalda su var və quruma tam şəkildə baş verməyib. Hazırda kanaldan saniyədə 9 kubmetr su axır və öz mənbəyini Rusiya-Azərbaycan sərhədindəki Samur çayından götürür.
Samur-Abşeron kanalı, Azərbaycanın şimal bölgələrini suvarma suyu ilə təmin edir. Kanalın suyu əvvəlcə Şabran rayonundakı Taxtakörpü su anbarına, oradan isə Ceyranbatan su anbarına ötürülür.
Qeyd edək ki, hazırda Xaçmaz və Şabran rayonlarında suvarma ilə bağlı çətinlik yaşanır. Xaçmaz Su-Meliorasiya İdarəsinin məlumatına görə, tələbat yüksəkdir, lakin Samur-Abşeron kanalından saniyədə cəmi 6 kubmetr su verilir. Hazırkı su həcmi isə 35 min hektar sahənin suvarılması üçün kifayət etmir. Yəni, əhali çətinlik çəkir.
Ətraflı videomaterialda:
