Şəki rayonu Qoxmuq kəndində beşotaqlı ev yanıb.
Bizim.Media-nın məlumatına görə, kənd sakini Habil Abdullayevə məxsus, ümumi sahəsi 120 kvadratmetr olan evin çardaq hissəsində 60 kvadratmetrlik sahə konstruksiyaları ilə birlikdə yanıb.
Yanğının söndürülməsi üçün əraziyə rayon Dövlət Yanğından Mühafizə Hissəsinin texnikası və şəxsi heyəti cəlb olunub.
Evin qalan hissəsi yanğından mühafizə olunub. Yanğın zamanı xəsarət alan olmayıb.
Yanğın yerinin ilkin müşahidəsi və tədqiqindən sonra hadisənin qısaqapanma nəticəsində baş verdiyi ehtimal edilir.
Faktla bağlı araşdırma aparılır.
