Şəkinin Baş Göynük kəndində 4 otaqlı ev yanıb.
Apa.az-ın məlumatına görə, bu gecə saat 3 radələrində yaşayış olmayan və sahibi bilinməyən ümumi sahəsi 360 m² olan ikimərtəbəli 4 otaqdan ibarət evdə yanğın olub.
Hadisə nəticəsində evin yanar konstruksiyaları və içərisində olan əşyalar yanıb. Xəsarət alan olmayıb.
Yanğının söndürülməsi üçün Rayon Dövlət Yanğından Mühafizə Hissəsinin texnikası və şəxsi heyəti cəlb olunub.
Faktla bağlı araşdırma aparılır.
