“Şahdağ” Turizm Mərkəzinə Qətər, BƏƏ, Səudiyyə Ərəbistanı, Rusiya, Özbəkistan, Qazaxıstan və Belarusdan 90-a yaxın turizm sənayesi nümayəndəsi və blogerlər səfər ediblər. Bu haqda ShimalNews 19 dekabr tarixində məlumat verir.
Qonaqlar Qusara Dövlət Turizm Agentliyinin təşkil etdiyi qış turizmi mövsümünün açılışı ilə bağlı gəliblər. Səfər zamanı onlara kompleksdə həyata keçirilən yenidənqurma və infrastruktur işləri haqqında ətraflı məlumat verilib.
Həmçinin onlar kompleksdə təklif olunan kvadrosikl, kanat yolları, “Alpine Coaster” attraksionu və digər xidmətlərlə tanış olublar.
