Səfərbərlik və Hərbi Xidmətə Çağırış üzrə Dövlət Xidmətinin Xaçmaz Rayon Şöbəsinin rüşvət almaqda ittiham olunan sabiq rəisi Rahim Ağayev azadlıqdan məhrum edilib.
Report xəbər verir ki, Ağayev Bakı Hərbi Məhkəməsində keçirilən məhkəmə iclasında 8 il 6 ay müddətə həbs olunub.
Qeyd edək ki, Ağayev Baş Prokuror yanında Korrupsiyaya qarşı Mübarizə Baş İdarəsi tərəfindən tutulub. Ona qarşı təkrar külli miqdarda rüşvət alma və vəzifə səlahiyyətlərindən sui-istifadə etmə maddəsi ilə ittiham irəli sürülüb, barəsində həbs qətimkan tədbiri seçilib.
