Qusarda “Fialka” adı ilə tanınan gölün bu günə olan vəziyyəti yerli camaatı heyifsiləndirir. Bu barədə ShimalNews 25 avqust tarixində məlumat verir.
Sakinlər bildirirlər ki, əvvəllər burada su bol idi, ətrafda çəpərlər yox idi. İnsanlar burada çimir, balıq tuturdular. Bu gün isə mənzərə tam əksinədir. Çəpərlər və suyun azalması heç də ürəkaçan deyil.
Yaşlı nəslin nümayəndələrindən çox insanın bilmədiyi məlumatları əldə etdik.
Ötən əsrin 90-cı illərindən “Fialka” suyun duruldulması üçün anbar kimi istifadə olunurdu. Onun mənbəsi isə yaxınlıqda meşədə yerləşən kanal idi. Artıq 2000-ci illərdə, yeni su xətləri çəkildikdə gölə ehtiyac qalmadı. Burada çimməyə gələn çox sayda insanın batdığı və ondan sonra ərazinin çəpərləndiyi bildirilib.
Süni gölün qurumasına gəldikdə isə, həftədə bir dəfə su ilə doldurulması onun “ölməsinin” qarşısını alacağı deyilir. Üstəlik buranı insanlar üçün istirahət məkanına çevirmək arzuolunandır.
