Qusardan olan şəhid Sənan Zamanovun doğum günü ilə əlaqədar tədbir keçirilib. Bu barədə ShimalNews 18 avqust tarixində Qusar rayon İcra Hakimiyyətinə istinadən məlumat verir.
Avqustun 17-si, icra başçısı Şair Alxasov, rayonun hüquq-mühafizə orqanlarının rəhbərləri, o cümlədən şəhidin döyüş yoldaşları, ictimaiyyət nümayəndələri və kənd sakinləri Şəhidlər Xiyabanında mayor S.Zamanovun məzarını ziyarət ediblər.
Mərasim vaxtı Sənanın xatirəsi yad edilib. Onun döyüş meydanında vətənin hər bir qarış torpağı uğrunda necə döyüşdüyündən, düşmənin canlı qüvvəsini necə məhv edərək irəlilədiyindən danışılıb.
Daha sonra şəhidin böyüyüb başa çatdığı Çiləgir kəndindəki ata ocağı ziyarət olunub. Onun ailəsini maraqlandıran suallar cavablandırılıb və onları narahat edən məsələlər dinlənilib. Şəhid atası Qahir Zamanov onlara göstərilən diqqət və qayğıya görə ölkə rəhbərliyinə öz minnətdarlığını bildirib.
Sənan Zamanov 1987-ci il avqustun 17-də Çiləgir kəndində anadan olub. Azərbaycan Respublikasının Prezidenti İlham Əliyevin sərəncamı ilə ölümündən sonra “Rəşadət” ordeni, “Vətən uğrunda”, ”İgidliyə görə”, “Suqovuşanın azad olunmasına görə” medalları ilə təltif olunub.
[caption id="attachment_22664" align="alignnone" width="300"]
Foto Qusar rayon İcra Hakimiyyəti[/caption]
