Qusarda yayın "Musiqili görüşlər" adlı sonuncu konserti keçirilib. Bu haqda bu gün, 29 avqust tarixində Xaçmaz Regional Mədəniyyət İdarəsinə istinadən məlumat verir.
Tədbir Qusar rayon Mədəniyyət Mərkəzinin qarşısında təşkil edilib. Konsert Gündüzqala, Gədəzeyxur folklor evlərinin, Aşağı Ləyər kənd sənətkarlıq evinin, Samur qəsəbə sənətkarlıq klubunun, Köhnə Xudat, Üzdən oba, Kuf oba, Qarat oba, Qilah oba və Haçatala kənd klublarının birgə təşkilatçılığı ilə həyata keçirilib. Mərasim yay mövsümünün sonu ilə əlaqədar təşkil edilib.
Tədbir zamanı M.Əbilov adına şəhər mərkəzi meydanında yerli ifaçıların və rəqqasların təqdimatında rəngarəng nömrələr təqdim edilib.
