Qusar rayonunda “Narkomaniyanın fiziki, mənəvi və sosial fəsadları” mövzusunda seminar baş tutub. Bu haqda ShimalNews 28 fevral tarixində məlumat verir.
Tədbir Qusar Rayon Gənclər və İdman Sektorunun inzibati binasında təşkil edilib. Burada “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”nın icrasının təmin edilməsi, narkotik vasitələrdən qeyri-qanuni istifadənin insan həyatına ciddi təsir və yaratdığı fəsadları barədə maarifləndirmə işinin təşkili, islam dininin insanın mənəvi-əxlaqi cəhətdən kamilləşməsində əhəmiyyətli rolu diqqətə çatdırılıb.
