Qusarda “Maliyyə və Bankçılıq Kampusu” keçirilib. Bu barədə ShimalNews 19 avqust tarixində Təhsil İnstitutuna istinadən məlumat verir.
Dünyanın 8 ölkəsindən gələn, maliyyə, bankçılıq, ali təhsil və sahibkarlıq sektorlarını təmsil edən yüksək səviyyəli mütəxəssislər “Kamp 2022”-də iştirak ediblər. Məqsəd Azərbaycan gənclərini məlumatlandırmaq və ruhlandırmaq, beynəlxalq təcrübə ilə tanış etməkdir. “Şahdağ” hotelində keçirilən tədbir zamanı iştirakçılara təqdimatlar və seminarlar keçirilib. Təlimlər 5 gün davam edib.
Kampus xaricdə yaşayan azərbaycanlıların rəhbərlik etdiyi, Azərbaycanda təhsilin və inkişafın təşviqinə yönəlmiş Regional İnkişaf Təşəbbüsü (RDI) və ARTİ-nin sıx əməkdaşlığı ilə təşkil edilib.
