Qusarda “Rəqəmsal Azərbaycana doğru” layihəsi çərçivəsində görüş keçirilib. Bu barədə ShimalNews 6 dekabr tarixində Qusar GİKM-ə istinadən məlumat verir.
Tədbir Qusar Heydər Əliyev Mərkəzində baş tutub. Təqdimatda İnnovasiya və Rəqəmsal İnkişaf Agentliyinin departament rəhbəri Nərmin Seyidova, “Coders Azerbaijan” tədris mərkəzinin icraçı direktoru Riyad Ağazadə, “Technest” Təqaüd Proqramının koordinatoru Xumar Cəmilli çıxış ediblər. Onlar iştirakçılara “Technest” Təqaüd Proqramında iştirak imkanları, bu sahə üzrə karyera dəstəyi haqqında geniş məlumatlar verib və yaranan sualları cavablandırıblar.
