Qusarda valideyn himayəsindən məhrum olan gənclərin sosial sahibkarlıq bacarıqlarının artırılması məqsədilə həyata keçirilən layihəyə dəstək göstərilib. Bu barədə ShimalNews 19 avqust tarixində “Bakcell” şirkətinə istinadən xəbər verir.
“Sosial sahibkarlıq və biznesin qurulması” assosiasiyası 5 gün ərzində düşərgə təşkil edəcək. Burada gənclərdən ibarət 6 komanda üçün sosial sahibkarlıqla bağlı bilik və bacarıqlarını artırmaq üçün imkanlar yaradılıb.
İştirakçılar mentorların dəstəyi ilə öz biznes layihələrini hazırlayıb münsiflər heyətinə təqdim edəcəklər. Qaliblərə öz layihələrini reallaşdırmaq üçün maliyyə vəsaiti ayrılacaq.
“Bakcell” 2009-cu ildən etibarən “SOS Uşaq Kəndləri-Azərbaycan” Assosiasiyası İB ilə əməkdaşlıq çərçivəsində valideyn himayəsindən məhrum və aztəminatlı ailələrdən olan uşaq və gənclərə öz dəstəyini göstərir.
