Qusarda icbari tibbi sığorta ilə bağlı maarifləndirmə tədbirləri keçirilib. Bu barədə ShimalNews 26 avqust tarixində İcbari Tibbi Sığorta üzrə Dövlət Agentliyininə istinadən məlumat verir.
İyun-avqust aylarında keçirilən tədbirlərdə agentliyin filiallarının rəhbərləri ilə yanaşı yerli icra hakimiyyəti orqanlarının, həmçinin şəhər və rayon mərkəzi xəstəxanalarının məsul əməkdaşları iştirak ediblər.
Burada iştirakçılara icbari tibbi sığorta sistemi, icbari tibbi sığorta haqları, Xidmətlər Zərfi ilə təminat verilən tibbi xidmətlər, TƏBİB-in tabeliyindəki dövlət tibb müəssisələri haqqında ətraflı məlumat verilib. Eləcə də vətəndaşlara dövlət tibb müəssisələrində və agentliyin müqavilə bağladığı özəl tibb müəssisələrində icbari tibbi sığortadan istifadə qaydaları izah olunub.
