Qusarlı polkovnik Tehran Mənsimov 50 illik yubileyini qeyd edib. Bu barədə ShimalNews 25 avqust tarixində məlumat verir.
Paytaxt restoranlarının birində keçirilən doğum gününə “Şuşa Fatehi”ni təbrik etməyə tanınmış şəxslər gəlib.
Qonaqlar arasında Velosiped İdmanı Federasiyasının vitse-prezidenti Robert Eyyubov, güləş üzrə Avropa və 3 qat Dünya çempionu Hacı Əliyev, Ukraynada yaşayan məşhur azərbaycanlı iş adamı Oleq Krapivin (Bakinski) də olublar.
Polkovnik Tehran Mənsimov 24 avqust 1972-ci ildə Qusar rayonunun Düztahir kəndində anadan olub. 27 sentyabr 2020-ci il tarixindən etibarən 44 günlük Vətən müharibəsində (İkinci Qarabağ müharibəsi) iştirak edib. O, noyabrın 4-dən 8-nə qədər davam edən Şuşa döyüşlərində şəhərə daxil olan ilk zabitlərdən olub. Vətən müharibəsindəki qəhrəmanlığına görə 2020-ci ildə “Azərbaycan Bayrağı” ordeni və “Şuşanın azad olunmasına görə”, “Füzulinin azad olunmasına görə” medalları ilə təltif edilib.
29 iyun 2021-ci ildə Tehran Mənsimov Azərbaycan Respublikası Prezidentinin Təhlükəsizlik Xidmətinin Xüsusi Təyinatlı Dəstələrinin rəis müavini təyin olunmuşdur.
[caption id="attachment_23060" align="alignnone" width="300"]
Foto açıq mənbələrdən[/caption]
[caption id="attachment_23059" align="alignnone" width="300"]
Foto açıq mənbələrdən[/caption]
