Qusardan olan hərbi qulluqçumuz şəhid Vüsal Orucov dəfn olunub. Bu barədə ShimalNews 2 oktyabrda məlumat verir.
Dəfn mərasimi Suvacal kəndində baş tutub. Burada icra hakimiyyətinin rəhbərliyi, hüquq-mühafizə orqanlarının əməkdaşları və rayon ictimaiyyəti iştirak ediblər.
Vüsal 2005-ci ildə anadan olub, ailədə 3 bacı və 3 qardaş idilər. O, 11 aprel 2023-cü ildə hərbi xidmətə yollanıb.
Sentyabrın 30-da erməni snayperinin gülləsinə tuş gəlib. Kəlbəcər rayonunun Aşağı Ayrım yaşayış məntəqəsində şəhid olub.
