Ermənistanın sərhəddə törətdiyi təxribatların qarşısını alarkən şəhid olan Şair Heydərovun övladı dünyaya gəlib. Bu barədə ShimalNews 26 noyabr tarixində Bizim.Media-ya istinadən məlumat verir.
Şəhidin atası Camal Heydərovun sözlərinə görə, yeganə oğlunun körpəsi 3,8 kiloqram çəkidə Qusar rayon Mərkəzi Xəstəxanasının doğum şöbəsində dünyaya gəlib.
"Oğlum Şair şəhid olduğu gün mənimlə, anası və həyat yoldaşı ilə telefonla danışdı. Hamımıza tapşırdı ki, “qızım olsa, adını Yeganə qoyun”. Biz də Şairin arzusunu yerinə yetirdik. Elə bil ürəyinə dammışdı ki, şəhid olacaq", - deyə şəhid atası bildirib.
