Qusarın iki kəndində yanğın baş verib. Bu barədə ShimalNews 26 avqust Fövqəladə Hallar Nazirliyinə istinadən xəbər verir.
Yanğınlardan biri Ləcət kəndində qeydə alınıb. Meşə Təsərrüfatı Mərkəzinə aid ərazidə 0,8 ha sahədə quru ot, kol-kos və qurumuş ağac kötükləri yanıb.
Digər yanğın Cibir kəndində baş verib. Burada bələdiyyəyə aid ərazidə 135 ha biçilmiş taxıl sahəsi və 2 ha sahədə kol-kos yanıb.
Hər iki yanğın FHN-in əməkdaşları tərəfindən söndürülüb.
