Qusar rayonunun Aşağı Ləgər kənd tam orta məktəbində fövqəladə hallarla bağlı maarifləndirici tədbirlər keçirilib. Bu barədə ShimalNews 1 oktyabr tarixində FHN-in mətbuat xidmətinə istinadən xəbər verir.
Seminar FHN-in Dövlət Yanğın Nəzarəti Xidmətinin mütəxəssislərinin və Şimal Regional Mərkəzinin əməkdaşlarının iştirakı ilə baş tutub.
Tədbirlərdə texnogen xarakterli və ölkəmiz üçün xarakterik olan fövqəladə hallar, onların təsnifatı, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib.
Eləcə də ilkin yanğınsöndürmə vasitələrindən istifadə qaydaları əyani şəkildə nümayiş etdirilib və FHN-in “112” qaynar telefon xəttinin təyinatı izah olunub.
