Qusar rayonuna Quba Destinasiya Menecmenti Təşkilatının əməkdaşları səfər ediblər. Bu barədə ShimalNews 20 dekabr tarixində təşkilata istinadən məlumat verir.
Səfər zamanı Düztahir və Gican kəndləri ziyarət olunub. Düztahir kəndində inzibati ərazi dairəsi üzrə nümayəndə, kənd bələdiyyəsinin sədri, Qusar seysmik stansiyasının əməkdaşı və kənd məktəbinin müəllimi, Gican kəndində kəndin bələdiyyə sədri və müavini, kənd məktəbinin direktoru və kənd ağsaqqalı ilə görüş keçirilib.
Səfərin əsas məqsədi bu kəndlərdə yerləşən kənd qonaq evləri, kəndlərdəki tarixi, mədəni, təbiət abidələrini siyahıya almaqdır. Toplanmış məlumatlar Quba DMT-nin turizm resursları olan kəndlər siyahısına əlavə olunub.
