Bu gün Vətən müharibəsi şəhidi Turac Həmzəyevin mövlud günüdür.
Turac Həmzəyev 27 avqust 1998-ci ildə Qusar rayonunun Hiloba kəndində anadan olub. Evin kiçik oğlu, ailənin son beşiyi olan Turac bir-birinin ardınca ata və anasını itirib. Doqquzuncu sinfi bitirdikdən sonra təhsilini dayandırıb, təsərrüfat işləri ilə məşğul olmağa, böyük qardaşlarına kömək etməyə başlayıb.
Hərbi xidmətini başa vurduqdan 2 il sonra Turac Həmzəyev Vətən müharibəsi zamanı Füzulinin azadlığı uğrunda gedən döyüşlərdə iştirak edib. Qəhrəmanımız oktyabrın 14-də şiddətli döyüşlər zamanı şəhidlik zivrəsinə ucalıb. Qusar rayonunda dəfn olunub.
Turac Həmzəyev ölümündən sonra “Vətən uğrunda”, “Cəbrayılın azad olunmasına görə” və “Füzulinin azad olunmasına görə” medalları ilə təltif edilib.
