Vətən müharibəsi şəhidlərinin ailə üzvləri Qusarın "Şahdağ” Turizm Mərkəzində qonaq olublar. Bu barədə ShimalNews 19 yanvar tarixində məlumat verir.
Mərkəzin təşkilatçılığı ilə “Mənim atam qəhrəmandır, mənim oğlum qəhrəmandır” layihəsi çərçivəsində Bakı və Abşeron rayonundan olan 200-ə yaxın böyük və uşaq tədbirə qatılıb.
Üç gün ərzində kompleksin ərazisinə ekskursiya təşkil edilib, müxtəlif attraksionlardan, kanat xətlərindən istifadə imkanı yaradılıb, eləcə də təlimçilər tərəfindən xizəksürmə vərdişləri və texnikası öyrədilib, tanınmış müğənnilərin iştirakı ilə musiqili-əyləncəli proqramlar təşkil edilib.
Həmçinin interaktiv oyunlar keçirilib, taxta fiqurların rənglənməsi və kulinariya üzrə master-klaslar təşkil olunub.
Bu, sayca 4-cü dəfə təşkil olunan sosialyönümlü tədbirdir. Cari ildə daha 2 oxşar tədbirin keçirilməsi nəzərdə tutulub.
[caption id="attachment_54872" align="alignnone" width="640"]
açıq mənbə[/caption]
