Bu gün Quba Rayon İcra Hakimiyyətinin başçısı Ziyəddin Əliyev Buduq kənd İnzibati ərazi dairəsi üzrə vətəndaşların səyyar qəbulunu keçirib. Bu barədə ShimalNews 1 sentyabr tarixində adıçəkilən quruma istinadən məlumat verir.
Qəbulda rayon polis şöbəsinin rəisi, Dövlət Təhlükəsizliyi Xidmətinin rəisi, Hərbi Xidmətə Çağırış üzrə Dövlət Xidmətinin rəisi, rayon Ağsaqqallar Şurasının sədri, Rayon İcra Hakimiyyəti yanında İctimai Şuranın sədri, rayonun bütün idarə, müəssisə və təşkilatlarının rəhbərləri iştirak ediblər.
Görüş zamanı vətəndaşlar tərəfindən qaldırılan məsələlərin həlli məqsədilə aidiyyəti şəxslərə tapşırıqlar verilib.
Tədbirdən sonra 1-ci Qarabağ müharibəsi şəhidi Qalib Əliyevin Buduq kənd ibtidai məktəbinin önündə qoyulmuş büstü ziyarət edilib və önünə gül dəstələri düzülüb.
