Qubada Vətən müharibəsi şəhidi, baş leytenant Ruslan Bayramovun ailəsinə onun üçüncü dərəcəli “Vətənə Xidmətə Görə” ordeninin təqdimolunma mərasimi keçirilib. Bu barədə ShimalNews 12 avqust tarixində Quba Rayon İcra Hakimiyyətinə istinadən məlumat verir.
Bayramov Azərbaycan Respublikasının Prezidenti İlham Əliyev tərəfindən 25 iyun 2022-ci il tarixində imzalanmış Sərəncama əsasən sözügedən ordenlə təltif olunub.
Təqdimat rayon icra hakimiyyətində baş tutub. Burada icra başçısı, YAP Quba rayon təşkilatının sədri, rayonun hüquq-mühafizə orqanlarının rəhbərləri, icra hakimiyyətinin məsul şəxsləri və rayon ictimaiyyəti iştirak ediblər.
