Şanlı ordumuz üçün əməyi keçənlərə Qubalı şəhid Miqdad Abduləlimovun anası dəstək olub. Bu barədə ShimalNews 11 avqust tarixində sosial şəbəkələrdə yayılan məlumata istinadən xəbər verir.
Məlumata görə, bu gün şanlı ordumuz üçün “TIR” avtomobilinə təkərlər yüklənilib və yola salınıb. Şəhid anası Tünzalə Abduləlimova burada çalışanlara su, siqaret və günorta yeməyi gətirib.
Təkərlərin yüklənməsində Azad Musayev və Nicat Həsənov, “SOS” mühafizə şirkətinin rəhbəri Anar Məmmədov, Almaz İlahə Əhmədova, Sumqayıt şəhərində yerləşən “Orijinal servis”in ustası Ramin, AMEA-nın əməkdaşları Fərid və Vilayətin əməyi keçib. Təkərlər isə Vüsal və Əli, eləcə də bəstəkar Fərahim Sadiq tərəfindən təqdim olunub.
