Quba rayon MKS-in Abonement bölməsində şairə Xurşidbanu Natəvana həsr olunan tədbir keçirilib. Bu barədə ShimalNews 2 sentyabr tarixində Xaçmaz Regional Mədəniyyət İdarəsinə istinadən məlumat verir.
Görkəmli ədəbiyyat nümayəndəsinin anadan olmasının 190 illiyi ilə əlaqədar “Poeziyamızın iftixarı” adlı görüş baş tutub.
Burada Natəvanın Azərbaycan mədəniyyəti tarixində lirik şair və rəssam kimi fəaliyyətindən danışılıb. Eləcə də tədbirə dəvət olunan Azərbaycan Yazıçılar Birliyinin üzvü, yazıçı Məhbubə Hidayətqızı və kitabxananın əməkdaşı Samirə Əliyeva çıxış ediblər.
İştirakçılara Xurşidbanu Natəvanın xeyirxahlığı haqqında bəhs edilib. Bildirilib ki, o, kasıblara əl tutub, 1873-cü ildə sudan korluq çəkən Şuşaya su kəməri çəkdirib. Bu su kəməri “Xan qızı bulağı” adı ilə tanınır.
