Quba şəhərində “Xalqımızın tolerantlıq ənənələrinin və multikulturalizm siyasətinin milli həmrəyliyimizin möhkəmləndirilməsindəki önəmi” adlı tədbir keçirilib. Bu barədə ShimalNews 2 sentyabr tarixində Azərbaycan Respublikasının İnsan Hüquqları üzrə Müvəkkilinə istinadən xəbər verir.
Görüş Dini Qurumlarla İş üzrə Dövlət Komitəsinin Quba bölgəsi üzrə şöbəsi və Quba Rayon İcra Hakimiyyətinin birgə təşkilatçılığı ilə baş tutub. Burada adıçəkilən qurumların və rayon ictimaiyyətinin nümayəndələri iştirak ediblər.
Tədbirdə Ombudsmanın Şimal Regional Mərkəzinin rəhbəri Bəhruz Əfəndiyev çıxış edib. O, tolerantlıq ənənələrinin və multikulturalizm siyasətinin milli həmrəyliyimizi möhkəmləndirdiyini vurğulayıb. Eləcə də bildirilib ki, bu sahədə Azərbaycan dünyada nümunədir.
Sonda iştirakçıların sualları cavablandırılıb.
