Quba şəhərində keçirilən Miqrasiya üzrə VIII Beynəlxalq Yay Məktəbi öz işinə başlayıb. Bu barədə ShimalNews 6 sentyabr tarixində Ombudsman Aparatına istinadən məlumat verir.
Məktəb Miqrasiya Siyasətinin İnkişafı üzrə Beynəlxalq Mərkəz (MSİBM) və Praqa Prosesinin birgə əməkdaşlığı ilə həyata keçirilir.
Təlim “Azərbaycanla Yerdəyişmə üzrə Tərəfdaşlığın İcrasına Dəstək (MOBILAZE-2)” layihəsi çərçivəsində keçirilir və 1 həftə davam edəcək.
Burada Azərbaycan və Ukrayna vətəndaşlarından ibarət 40-a yaxın tələbə və gənc mütəxəssis iştirak edir. Tədris proqramı Böyük Britaniya, Avstriya və Niderlandın qabaqcıl ali təhsil müəssisələrinin təqdimatları və mühazirələri, habelə seminarlar və intensiv praktiki məşğələlərdən ibarətdir.
