Quba rayonunda 946 hektar suvarılan torpağın su təminatı yaxşılaşdırılıb. Bu haqda ShimalNews 8 fevral tarixində məlumat verir.
“Rayonun Aşağı Xuc, Çartəpə kəndlərini suvarma suyu ilə təmin edən Aşağı Xuc kanalının, həmçinin Vladimirovka, Mirzəməmmədkənd və Əlibəyqışlaq kəndlərini suvarma suyu ilə təmin edən Əlibəyqışlaq kanalının ümumilikdə 2.8 km hissəsi beton üzlüyə alınmış, üzərindəki hidrotexniki qurğular əsaslı təmir olunaraq, istismara yararlı vəziyyətə gətirilmişdir”, - deyə Azərbaycan Dövlət Su Ehtiyatları Agentliyinin nümayəndəsi Samir Məmmədhüseynov bildirib.
Bundan başqa, su istifadəçilərini dayanıqlı və fasiləsiz suvarma suyu ilə təmin etmək məqsədilə kanallar lildən təmizlənir.
