Qubada "Ağ ölüm cəmiyyətimizin bəlasıdır" mövzusunda dəyirmi masa formatında görüş keçirilib. Bu barədə ShimalNews 2 sentyabr tarixində Quba Gənclər İdman İdarəsinə istinadən məlumat verir.
Tədbir bu gün Heydər Əliyev Mərkəzində keçirilib. Görüşün təşkili İcra Hakimiyyəti, Yeni Azərbaycan Partiyası və Gənclər və İdman İdarəsi (Gİİ) tərəfindən təmin olunub.
Burada narkomaniyanın cəmiyyətimizə necə ləkə olması və gənclərin narkotik vasitələrdən uzaq durmağın vacibliyi haqqında iştirakçılar qarşısında çıxışlar olub.
Daha sonra narkomaniyadan bəhs edən sənədli film nümayiş olunub, iştirakçılara bukletlər paylanıb.
