Qubada narkomaniya ilə mübarizə uğrunda tədbir keçirilib. Bu barədə ShimalNews 29 aprel tarixində ADPU Quba filialına istinadən məlumat verir.
Azərbaycan Dövlət Pedaqoji Universitetinin Quba filialında "Narkomaniyaya yox deyək" devizi altında polis əməkdaşları tərəfindən maarifləndirmə aparılıb.
Quba RPŞ-nin rəis müavini, polkovnik - leytenant Vüsal Rüstəmov geniş məzmunlu çıxış edib. O, narkotik vasitələr, psixotrop maddələrin növləri, onların insan həyatına, insan sağlamlığına vurduğu zərəri açıqlayıb.
Daha sonra polis tərəfindən keçirilən əməliyyat tədbirlərinin videogörüntüləri təqdim edilib. Bildirilib ki, son zamanlar "patı", "şüşə" adı ilə məşhur olan metamfetaminin qadınlar arasında da istifadəsi halları çoxalıb.
