Quba rayonunda yanğın törətdiyinə görə 1 nəfər məsuliyyətə cəlb edilib. Bu barədə ShimalNews 1 sentyabr tarixində Report-a istinadən məlumat verir.
Quba Rayon Polis Şöbəsinin əməkdaşları araşdırma aparıblar. Məlum olub ki, rayon sakini Səxavət Mikayılovun məsuliyyətsizlik və ehtiyatsızlığından yanğın baş verib.
Mikayılov ona məxsus həyətyanı sahədə təmizlik işləri apararkən quru otlaq sahəsini yandırıb. Alovun yayılması nəticəsində 5 sot quru otlaq sahəsi və kol-kos yanıb. Hadisə yerinə polis və yanğından mühafizə xidmətinin əməkdaşları cəlb olunub.
Hadisə ilə bağlı İnzibati Xətalar Məcəlləsinin 244.1-ci (Əkin yerinin yandırılmasına görə) maddəsinə uyğun olaraq inzibati qaydada protokol tərtib edilib.
