Qubalı şəhid Bəşir Abbasovun ailəsi Dövlət Sosial Müdafiə Fondu tərəfindən ziyarət edilib. Bu barədə ShimalNews 20 avqust tarixində Əmək və Əhalinin Sosial Müdafiəsi Nazirliyinə istinadən məlumat verir.
Görüşdə fondun sədri Himalay Məmişov şəhid olmuş qəhrəman Vətən övladlarının, o cümlədən Bəşir Abbasovun xatirəsinin əbədi olaraq qəlbimizdə yaşayacağını vurğulayıb.
Bəşir Füzuli rayonunun Yuxarı Seyidəhmədli kəndi istiqamətində gedən döyüşlərdə şəhidlik zirvəsinə ucalıb. O, Prezident İlham Əliyevin Sərəncamları ilə “Vətən uğrunda” və “Füzulinin azad olunmasına görə” medalları ilə təltif olunub.
