Quba rayon icra hakimiyyəti rayonda geniş abadlıq işlərinin görülməsi üçün tender elan edib. Bu barədə ShimalNews 12 avqust tarixində Antiinhisar və İstehlak Bazarına Nəzarət Dövlət Xidmətinə istinadən məlumat verir.
Abadlıq işləri böyük ərazidə ekskavator işlərini, ərazinin çınqıl-qumla işlənməsini, torpağın və qumun uzaq məsafəyə daşınmasını, ərazidən keçən su xətlərinin təmirini və sair işləri əhatə edir.
Müsabiqədə iştirak etmək istəyənlər tələb olunan sənədləri sentyabrın 1-nə kimi təqdim etməlidirlər. Onlar təkliflərini 9 sentyabr tarixinə qədər verməlidirlər. Zərflər sentyabrın 12-də açılacaq. Tenderdə iştirak haqqı 600 manatdır.
ÜSL kod (kateqoriya) - 71315000-9 Tikinti xidmətləri.
