Qubada intihar hadisəsi qeydə alınıb. Bu barədə ShimalNews 19 avqust tarixində Oxu.az-a istinadən məlumat verir.
Məlumata görə, hadisə rayonun Dəvədabanı massivində baş verib. Burada yaşayan 37 yaşlı Əhməd Əhmədov yaşadığı evdən çıxaraq geri qayıtmayıb. Onun ailə üzvləri kişinin axtarışına başlayıblar.
Nəticədə Ə.Əhmədov yaşadığı evin bağında palıd ağacından elektrik naqillə asılmış vəziyyətdə tapılıb. Onun son 3 gün ərzində mütəmadi olaraq spirtli içki qəbul etdiyi bildirilib.
Faktla bağlı rayon Prokurorluğunda araşdırma aparılır.
