Quba–Xaçmaz avtomobil yolu hazırda açıqdır.
Bu barədə Shimal.News-a məlumat verən sakinlər bildiriblər ki, Qubanın Zərdabi qəsəbəsinə qədər olan hissədə yolun nisbətən sürüşkən olduğu bildirilir, sonra isə yol açıqdır.
"Ötən gecə yağıntılardan sonra Qubada qarın hündürlüyü 10-15 sm-ə çatıb. Gecə şaxta olmadığı üçün yol donmayıb və hərəkət üçün ciddi təhlükə yaratmır", - deyə sürücülər bildiriblər.
Xaçmaz şəhərində isə qar yağıntısı müşahidə olunmayıb. Sürücülərə Quba istiqamətində hərəkət edərkən ehtiyatlı olmaları tövsiyə edilir.
