5 rayonda 500-dək şagirdi olan ümumtəhsil müəssisələri üzrə direktor vəzifəsinə işə qəbul prosesi ilə bağlı sənəd qəbulu start alıb.
ShimalNews xəbər verir ki, bu gündən başlayan proses avqustun 26-dək davam edəcək. Müraciət etmək istəyən şəxslər zəruri sənədləri iş günləri ərzində saat 10:00-dan 17:00-dək Quba-Xaçmaz Regional Təhsil İdarəsinə təqdim etməlidirlər.
Müsabiqədə iştirak üçün tələb olunan sənədlər:
- kadrlar uçotunun şəxsi vərəqəsi;
- şəxsiyyəti təsdiq edən sənədin surəti;
- əmək kitabçasının surəti;
- ali təhsil haqqında sənədin və əlavəsinin surəti.
Şagird sayı 150-dək olan məktəblərin direktor vəzifəsinə yalnız müsahibə, 151-500 aralığında olanların isə müsabiqə (test və müsahibə) yolu ilə qəbul ediləcək.
Namizədlər üçün tələblər:
- pedaqoji ixtisas üzrə ali təhsil;
- 5 ildən az olmayaraq pedaqoji staj (təhsilin təşkili və idarə olunması ixtisası üzrə elmi dərəcəsi və elmi adı olduqda 3 il);
- hazırda ümumi təhsil müəssisəsində pedaqoji fəaliyyət göstərməsi.
Vakansiyalarla burada tanış ola bilərsiniz.
