Qubada valideynlər hər il övladlarına dərs deyən müəllimin yenisi ilə əvəz olunmasından narazıdırlar. Bu barədə ShimalNews 3 sentyabr tarixində məlumat verir.
Bu hal Alekseyevka kənd tam orta məktəbində müşahidə olunur. Valideynlərin sözlərinə görə, son 3 il ərzində rus dilini tədris edən müəllimlər daim dəyişib. Bu isə öz növbəsində uşaqların psixoloji durumuna təsir göstərir. Məktəb direktoru isə bildirib ki, sonuncu dəfə təyin olunan müəllim 2 il dərs deyəcək.
“İndi direktor deyir ki, yeni müəllim gətirəcək. Bunula bağlı biz məktəbə yaxınlaşıb direktorla görüşüb etirazımızı bildirmişik. Lakin o, bu il üçün yeni vakansiya elan edib. Son illər davam edən proses bir daha təkrarlanır. Halbuki, sonuncu pedaqoq bizi qane edirdi”, - deyə valideynlərdən biri bildirib.
