Quba və Qusar sakinlərinin yararlandıqları Həkim Məsləhət Komissiyası ilə tanışlıq keçiriləcək. Bu haqda 19 aprel tarixində ShimalNews
məlumat verir.
Sabah İcbari Tibbi Sığorta üzrə Dövlət Agentliyinin Tibbi Planlama Departamentinin rəhbəri Hikmət İbrahimli və idarənin digər məsul şəxsləri Qubaya səfər edəcəklər. Onlar burada yaradılan şərait və komissiyanın işinin təşkili ilə yaxından tanış olacaqlar.
Sağlamlığı məhdud olan vətəndaşlar pensiya təyinatı üçün adıçəkilən müəssisəyə müraciət edirlər. Müayinələrdən sonra onların sənədləri ekspert komissiyasına göndərilir.
Həftənin 2-ci günləri saat 13:00-da Qusar sakinləri, həftənin 4-cü günləri saat 13:00-da isə Quba sakinləri Quba Rayon Mərkəzi Xəstəxanasına
müraciət edə bilərlər.
