Qubada yaşayan 84 yaşlı Şümşad nənə və ailəsi Laçının tamamilə Azərbaycan ordusunun nəzarətinə keçməsinin sevincindən danışıb. Bu barədə ShimalNews 27 avqust tarixində İctimai TV-yə istinadən məlumat verir.
Şümşad nənə 30 ildir bu günün həsrəti ilə yaşayırdı. O deyir ki, bu xəbəri eşidəndə dizlərinə taqət, gözləri isə nurla doldu. Ağbirçək nənənin uşaqlığı, gəncliyini Laçında keçib. Torpaqlar işğal olunandan bəri ailə üzvləri ilə birlikdə Qubanın 2-ci Nügədi kəndində yaşayır. Bütün bu illər ərazidə həm onun, həm də ailəsinin yeganə istəyi doğma yurda qayıtmaq olub.
Ailənin digər kiçik üzvü, Şümşad nənənin Laçın adlı nəvəsi şəkillərdə gördüyü evi öz gözləri ilə görmək istəyir.
“Mən Qubada doğulmuşam. Düşünürəm ki, Laçına tez bir zamanda babamla gedəcəyəm. Qubada yaxşıdı, amma mən babamla Laçına getməyi çox istəyirəm”, - deyə Laçın bildirib.
