Bu gün şəhid baş leytenant Rahim Mikayılovun mövlud günüdür. Onun 32 yaşı tamam olacaqdır.
Rahim 1990-cı ilin 3 sentyabr tarixində Quba rayonunun 2-ci Nügədi kəndində anadan olub. O, İkinci Nügədi kənd 3 saylı tam orta məktəbdə, daha sonra isə Gəncədə yerləşən Azərbaycan Texnologiya Universitetində təhsil alıb.
Ali təhsili bitirdikdən sonra həyatını hərbi xidmətə həsr etməyə qərar verib. Qüsursuz xidmət göstərməklə baş leytenant hərbi rütbəsinə yüksəlmişdir. Vətən müharibəsinin 3-cü günündə, 29 sentyabr tarixində Murovdağda zirvəni düşməndən azad etdikdən sonra şəhid olub. Lakin igidimizin nəşi 3 aydan sonra tapılıb və doğulduğu İkinci Nügədi kəndində torpağa tapşırılıb.
Baş leytenantın itkin düşməsindən bir ay sonra oğul övladı dünyaya gəlib.
Rahim Mikayılov ölümündən sonra “Vətən uğrunda”, “Kəlbəcərin azad olunmasına görə” medalları və 3-cü dərəcəli “Rəşadət” ordeni ilə təltif edilib.
