Qubanın dağlıq ərazisində başlayan yanğın Qasımqışlaq kəndində geniş əraziyə yayılıb. Bu barədə ShimalNews 18 avqust tarixində xəbər verir.
Məlumata görə, hal-hazırda FHN-in bölmələri alovun qarşısını almaq istəyir. Sakinlər bildirir ki, bütün kənd camaatı səfərbər olub və mümkün olan hər köməkliyi göstərirlər. Bəzi yerlərdə alov yaşayış evlərinə yaxınlaşıb.
“Hava isti və küləklidir, alovu söndürə bilmirlər. Suyu daşı ki, daşı, sönmür. Kəndin yolu da daş və torpaqdır. Bu avtomobillər ilə suyun daşınmasına mane olur”, - deyə sakinlərdən biri bildirib.
