Qubanın ən tanınmış istirahət məkanlarının birində yolkənarı ərazi hasarlanıb. Bu barədə ShimalNews 29 avqust tarixində məlumat verir.
Qəçrəş meşəsi başlayan yerdən “Aynur” restoranına kimi təxminən 1 hektardan çox ərazi çəpərlənib və girişi bağlanıb. Yerli əhalinin sözlərinə görə, bu iş vəzifəli şəxs tərəfindən görülüb.
“Meşələrdə bir dənə boş yer qalmayıb ki, camaat gəlib təbiət qoynunda istirahət etsin. Harada rahat yer var, restoran tikirlər. Eləcə də buraya dincəlməyə gələnlər yalnız restoranlarda otura bilir. Hər tərəf çəpərlənir. Bilinmir bu cür təbiətin zəbt olunmasına kim icazə verir”, - deyə yerli sakinlərdən biri bildirib.
Adıçəkilən ərazi əvvəllər də hasarlanmışdır. Burada “Qədim Quba” adlı istirahət mərkəzi tikilmişdir. Lakin onun fəaliyyəti dayandırılmış, çəpərlər isə sökülmüşdür.
[caption id="attachment_23311" align="alignnone" width="300"]
Photo Shimal.News[/caption]
[caption id="attachment_23309" align="alignnone" width="300"]
Photo Shimal.News[/caption]
[caption id="attachment_23310" align="alignnone" width="300"]
Photo Shimal.News[/caption]
