Vətən müharibəsi şəhidi Elməddin Abdullayevin anası ziyarət edilib. Bu barədə ShimalNews 18 avqust tarixində YAP Quba rayon təşkilatına istinadən məlumat verir.
Şəhid anası Tahirə Abdullayeva səhhəti ilə əlaqədar Quba Rayon Mərkəzi Xəstəxanasında müalicə alır. YAP Quba rayon təşkilatının sədri Fidan Hüseynova və təşkilatın əməkdaşları ona baş çəkiblər.
Elməddin Abdullayev 2001-ci il fevralın 13-də Quba rayonunun Qam-qam kəndində anadan olub. 2018-ci ildə Qam-qam kənd tam orta məktəbini bitirib. 2019-cu ilin aprel ayında isə hərbi xidmətə yollanıb. Xidmətinin sona çatmasına bir neçə gün qalmış Vətən müharibəsi başlayıb. Əsgər Adbullayev sentyabrın 30-da Talış kənd istiqamətində gedən döyüşlərdə qəhrəmancasına şəhid olub.
Elməddin ölümündən sonra "İgidliyə görə", "Laçının azad olunması uğrunda", "Suqovuşanın azad olunması uğrunda", “Vətən uğrunda” medalları ilə təltif edilib.
