Şimal zonasından 30 müəllim Beynəlxalq Qiymətləndirmə Düşərgəsinə qatılıb. Bu barədə ShimalNews 25 avqust tarixində Quba-Xaçmaz Regional Təhsil İdarəsinə istinadən məlumat verir.
Düşərgədə Quba-Xaçmaz Regional Təhsil İdarəsinin tabeliyində fəaliyyət göstərən ümumtəhsil məktəblərinin müəllimləri beynəlxalq qiymətləndirmə tədqiqatları barədə ətraflı məlumat alır, tədqiqat metodologiyaları və nümunə suallarla tanış olurlar.
Müəllimlər şagirdlərin oxu, riyaziyyat və təbiət elmləri üzrə biliklərinin real həyatda tətbiqi, yaradıcı düşüncə bacarıqlarının və s. amillərin şagirdlərin öyrənməsindəki rolunu tədqiq edirlər. Düşərgə istirakçılarına sonda sertifikatlar təqdim olunacaq.
Ötən gün başlayan düşərgə Quba şəhərində keçirilir.
