Qubanın alma bağlarında kütləvi məhsul yığımına start verilib. Bu barədə ShimalNews 3 sentyabr tarixində məlumat verir.
Məhsulun tədarükü üçün hazırlıq işləri görülüb. Meyvə toplanacaq ərazilər və saxlanclar hazır vəziyyətə gətirilib.
Bölgənin bağlarında yüksək məhsuldarlığı ilə seçilən “Qolden”, “Simirenko” alma sortları yetişdirilir. Həmçinin intensiv bağçılıqda “Qrani smit” və “Fuji” sortlarına üstünlük verilir.
Yığım noyabra kimi davam edəcək.
Ötən il ümumilikdə 14.000 hektar sahədə alma əkilib. Bunun təxminən 11.000 hektarı intensiv və superintensiv bağları olub. Hər il Quba rayonunda alma bağlarından 120-130 min ton məhsul yığılır.
