"Şahdağ" Turizm Mərkəzinə mediatur zamanı bildirilib ki, qış turizm mövsümünə start verilir. Bu barədə ShimalNews 19 dekabr tarixində məlumat verir.
Bunu Turizm Bürosunun Turizm sektorunun müdiri Günel Bədəlova dekabrın 18-i keçirilən tədbirdə bildirib. Onun sözlərinə görə, pandemiya ən böyük mənfi təsirini məhz turizm sahəsinə göstərib. Hazırda isə canlanma var.
"Azərbaycana daha çox turist Rusiyadan, Türkiyədən, İrandan və digər ölkələrdən gəlir. Rusiyadan gələnlər ümumi turistlərin 30 faizini təşkil edirlər", - deyə G.Bədəlova bildirib.
Qurum rəsmisi qeyd edib ki, qışda turistlər daha çox Quba, Qusar və Qəbələdə istirahət etməyə üstünlük verirlər.
